sevgi və ədalət dini islam
+ یازیلدی   سه شنبه ۲۶ خرداد۱۳۸۸ساعت 7:59  یازدی میرزه عبدالصمد ملکی | 

اوشاقلاری گؤی یئمگه تشویق ائله‌یین

معمولاً اوشاقلارین اسپناه، یئرکؤکو، چوغوندور و اوخشار گؤیلری یئمگی سئومزلر. آما بو گؤیلر اونلارن بؤیومه‌سینه لازم اولان مادّه‌لردیلر. گؤیلر، خاصیتلی اولدوقلاریندان علاوه سویوق دَیمه و سایر ناخوشلوقلارین قاباغینی آلارلار.

اوشاقلاری زورلا بیر شئیی یئمگه و یا بیر ایشی گؤرمگه مجبور ائتمک دوز ایش دئییل. یا اصلاً ممکن ایش دئییل. بونا گؤره اونلارا گؤی یئدیرتمک اوچون تشویقلردن و اویونلاردان کؤمک آلماق لازمدیر.

اوشاقلار خورک یئمگه باشلایاندان گؤی یئمگه عادت ائله‌مه‌لیدیلر. بوگونه قدر بو ایشی گؤرمه‌میسزسه بو گوندن اونلارین غذالارینا گؤی قاتین. گؤیون دادی اوّلده اونلارا عجیب گلسه ده تدریجله اونا عادت ائلیه‌جکلر.

اوشاقلار بؤیوکلردن تقلید ائله‌مگی سئورلر. بونا گؤره اونلارین گؤی یئمگی اوچون بؤیوکلر ده گؤی یئمه‌لیدیلر. اوشاقلارین آغیز دادی سیزین الیزده‌دیر. اونلاری دَییشه بیلرسیز. مثلاً سالادین ایچینه کاهی، بامادور و خیاردان علاوه پیشمیش یاشیل نوخود دا آرتیرین. یاشیل نوخودون اندازه‌سی اونلاری یئمگه هوسلندیره‌جک.

یئمه‌لی آشدا جور به جور معدنی مادّه‌لر و ویتامینلر وار. گونده‌لیک جور به جور آشلارلا اوشاغی مختلف دادلارلا تانیش ائله‌یین.

اوشاقلاری گؤی یئمگه تشویق ائله‌یین. حتی اونلارا گؤی یئمک اوچون جایزه وئرین. بو مسأله ایشین باشلانیشیندا داها چوخ اهمیته مالکدیر.

بروکلی کلمی کیمی یاشیل رنگلی گؤیلری نارین دوغرایین کی او بیریلرین ایچینده گیزلنسین. اوشاقلارین یاشیل گؤیلره بازلیقلاری اولماز.

گؤیلری اونلارین سئودیکلری غذالارلا مخلوط ائله‌یین و اونلارا غذا وئرنده غذانین بوشقابداکی دوزولوشو خوشا گلیم و اَیلَنجه‌لی اولسون. مثلاً سالادین ملزلمه‌لری ایله بوشقابدا دووشان شکلی یارادین.

گؤی آلماغا اوشاقلاری‌دا آپارین و آلاندا اونو گؤیلرین آدلاری ایله تانیش ائله‌یین و هر بیرینی بیر ناغیل و خوشا گلیم شکلده اوشاغا تانیتدیرین.

اؤز حیاطیز اولسا اوردا جور به جور گؤیلر اکین و بو ایشی اوشاقلا بیرلیکده گؤرون.

اوشاق، گؤیلرین بیرینی سئومه‌سه اونون شکلینی دَییشین مثلاً بامادورو مزه‌لی شکلده دوغرایین و یا لاپ بالاجا بامادور اوشاغا وئرین.

اوشاق بوشقابینداکی گؤیون سئومه‌دیگینی دئسه، گولر اوزله اونو بوشقابیندان گؤتورون آما گلن سئری همان گؤیو آیری شکلده اونون بوشقابینا قویون. اوشاق او گؤیو سئونه قدر بو ایشی دوام ائدین. اوشاغا گؤیلرین دوغراماسینی اؤیردین بو ایشله او اؤزونو غذانین حاضرلاماسیندا شریک بیلر و اونو یئمگه هوسلنر.

+ یازیلدی   پنجشنبه ۷ اسفند۱۳۹۳ساعت 9:55  یازدی میرزه عبدالصمد ملکی | 

ائولنمک یولوندا دوققوز قویو

مناسب حیات یولداشی سئچمک، یاشاییشین اَن مهم انتخابیدیر و بو زمینه‌ده بالاجا اشتباه انسانی بیر عمر پشیمان ائله‌یه بیلر. جماعتین چوخو اَن یاخشی تصمیم توتدوقلارینی دوشوندوقلاری زمان، اَن بؤیوک اشتباهلارینی ائله‌دیکلی زمان اولور. بونا گؤره حیات یولداشی سئچمک ایسته‌سز بو ایشی عقل اوزو ایله گؤرون و یولوزون اوستونده دوزولموش اشتباه قویولارینا دوشمکدن چکینین.

ائولنمک نیّتینده اولساز بو دوققوز مسأله‌ده توولانماماغا دقّتلی اولون:

بیرینجی قویو: گؤزللیک

هامیمیز گؤزللیگی سئویب اونا جذب اولاریق. آما حیات یولداشی سئچمکده بو مسأله‌نین حددن آرتیق نقشی اولسا ایشی اوتوزموسوز. یاخشی اولار ائولنمکدن اوّل سیزه نه‌لرین بیرینجیلیکده اولدوغونو بللی ائله‌یه‌سیز. هرچند گؤزللیگین سیزه اهمیتی وار، آما نه‌لرین گؤزللیکدن داها آرتیق اهمیتی وار؟ هانسی معیارلاری گؤزللیگه قربان وئره بیلرسیز و گؤزللیگی هانسی معیارلارا قربان وئرمگه حاضرسیز؟ بو انسان بو قدر گؤزل اولماسایدی یئنه‌ده اونونلا ائولنمگه حاضریدیز؟

ایکینجی قویو: اجتماعی موقعیت

اجتماعی موقعیت، حیات یولداشی انتخابیندا چوخلو اشتباهلارا سبب اولان مسأله‌لردندیر. گؤزه گلیم موقعیتلر، انسانلارین او بیری خصلتلرینی گیزله‌ده بیلر. بونا گؤره بئله انسانلاری حیات یولداشی سئچمک ایسته‌ینده آرتیق دقّت ائله‌مه‌لیسیز. دقّت اولونماسا سیز او طرفین «موقعیتی» ایله ائولنیب آما سیزه مجهول اولان «اؤزو» ایله بیر دام آلتیندا یاشاماغا مجبور اولاجاقسیز.

بونا گؤره بئله آداملا ائولننده دوشونمه‌لیسیز کی او انسانین بو موقعیتی اولماسایدی یئنه‌ده اونونلا ائولنمگه حاضر اولاردیز؟

اوچونجو قویو: حددن آرتیق سئومک

ائولنمگه لازم اولان ملزمه‌لرین بیری‌ده سئومکدیر، آما سئومک هر شئی دئییل. ائولنمگین انگیزه‌سی فقط سئومک اولسا، اونون نفرت اوزو ایله داغیلماسینی گؤزله‌مک اولار.

حیات یولداشی سئچمگین اَن قورخولو حاللاریندان بیری سئودالی اولماقدیر. بو حالدا، سیز احساسات و عشقین تأثیری آلتیندا واقعیتلری گؤرمگه گوجوز چاتماز. عاشق فقط گؤزللیکلری گؤرر. عاشق انسانا دئسن بیر آزدا عقل اوزو ایله باخ، اصلاً قبول ائلیه بیلمز. چونکی مغز، بو احساسات ایچینده طبیعی ایشینی گؤره بیلمز.

بئلنچی موقعیتلرده یاخشی اولار رابطه‌دن فاصله آچیب سئوگی حرارتی‌نین آزالماسینی گؤزله‌یه‌سیز، سونرا عقل اوزو ایله گله‌جگیز اوچون تصمیم توتاسیز.

دؤردونجو قویو: تکلیک و تنهالیق حسّی

سوبالیغین تکلیگی بعضاً دؤزولمز اولور. ائولی یولداشلار بیر یئره ییغیشاندا اولا بیلر سیز سوبای اولدوغوز اوچون اونلارین جمعینه داخل اولا بیلمیه‌سیز. فامیللیقجه گزمگه گئدیرسیز، هامی اؤز حیات یولداشی ایله بیردیر آما سیز تکسیز. همکارلاریزین هامیسی ایشدن ائوه قاییداندا اونلاری اهل عیالی گؤزلور آما سیزی در-دیوار. بو آندا خطر زنگی چالماغا باشلیر.

بو تکلیک حسّی، سیزی هر نه تئزراق ائولنمگه سوق وئره بیلر. سیز بو حسّین ایچینده اولان زمان ،بیری راستیزا گلسه اونو نجات فرشته‌سی بیله‌جکسیز و آغینا قره‌سینه باخمادان ائولنمک قراری وئره‌جکسیز.

بو حس چوخ راحت سیزی اشتباها سالا بیلر. بو حس سیزده یارانمیش اولسا یاخشی اولار اونو دوستلار و یا فامئل جمعینده اولماقلا آرادان آپاراسیز و سونرا ائولنمگه اقدام ائلیه‌سیز.

بئشینجی قویو: تلسمک

سیز، طایفانین سوبای قالمیش تک جوانیسیز، هامی‌نین گؤزو سیزده‌دیر کی هاواخت ائولنه‌جکسیز. سیز ائوین بؤیوک باجیسی‌سیز کیچیک باجیلار ائولنمک اوچون سیزی گؤزلورلر. آخی اونلارین‌ ائلچیسی وار! و یا ائولنمگه یوبانمیسیز و ایندی بیردن بیره باخیب گؤرورسوز کی ائی وای قوجالدیم، فوراً ائلنمه‌لی‌یم! بو مسأله‌لرین هئچ بیری سیزی تلسدیرمه‌مه‌لیدیر.

تَلَسیک زمانلاردا اولان انتخابلارین اشتباه احتمالی چوخ اولور. بونا گؤره، حیات یولداشی سئچمکده اصلاً تَلَسمه‌یین.

آلتینجی قویو: ناقص تانیماق

بیر انسانی کامل تانیمامیش اونونلا ائولنمک کاملاً اشتباه ایشدیر. اونو هفته باشلاری شام یئمکله و یا فقط تلفونلا دانیشماقلا تانیماق اولماز. بیری ایله 20 ایل‌ بویو بوجور رابطه اولسا دا اونو تانیماق اولماز. بیری ایله ائولنمک ایسته‌سز اونون یاشاییشینی، خانواده‌سینی، کئچمیشینی، اخلاقینی و دوشونجه‌سینی تانیمالیسیز.

یئددینجی قویو: روحی بحران

قایاقکی رابطه‌دن اورگیز سینیب، هله ده اونون یارالاری ساغالماییب و عادییاشاییشا قاییتمامیسیز، ایندی اؤزوزه بیر همدم آختاریرسیز. آما بو وضعیتده ائولنمگه تصمیم توتماق و حیات یولداشی سئچمک اشتباه حرکتدیر.

روحی بحران آیری مسأله‌لره گؤره‌ ده یارانا بیلر. اولا بیلر تازالیقدا یاخین آدامیزی الدن وئرمیش اولاسیز و یا ایشسیز قالاسیز و یا سیزی بحرانا سالان هر مسأله قاباغا گله بیلر. بحران شرایطینده حیات یولداشی سئچمک سیزه گله‌جکده مشکله سالا بیلر. چونکی سیز بحراندا اولاندا یاشاییشا باخدیغیز زاویه فرقلیدیر و او آندا نظریزه مناسب گلن شخص، بحراندان سونرا آیری جور گؤروشه بیلر. بحراندان سونرا آییلیب گؤره‌جکسیز کی بو آداملا اصلاً تناسبوز یوخدور و تعجب ائلیه‌جکسیز نه جور اولوب اونونلا ائولنمیسیز.

سککیزینجی قویو: سرخوشلوق و هیجان

سیزه خوش گئچن بیر قوناقلیقدا و یا تویدا نظریزه یوخولاردا آختاردیغیز و یئرده سیزه راست گلن بیری ایله تانیش اولموسوز. اونون باره‌سینده دوشوننده ایچیز سئوینجله دولور و هیجانلانیرسیز. یاخشی احساسدیر ! آما ال ساخلایین و ائولنمگه تلسمه‌یین کی اوچورومون قیراغیندا دایانمیسیز.

مثبت هیجانلار، منفی هیجانلار کیمی انسانی دوغرو تصمیم توتماقدان یاییندیرار. خوش لحظه‌لرین سرخوشلوغو انسانین باخدیغی زاویه‌نی دَییشر و انسان اؤز همیشه‌کی گؤزو ایله باخانماز. انسان او حالدا هر شئیی گؤزل گؤرر و هر شئیه مثبت باخار. یاخشی اولار بو حاللاردا ائولنمگه تلسمیه‌سیز. ذهنین آراملاشماسی اوچون بیر مدّت دؤزون.

دوققوزونجو قویو: بسه بسلیک

بسه بسلیک انسانین گؤزونو واقعیتلرین اوزونه باغلار. انسان بیری ایله بسه بسلیک ائله‌ینده تصمیملری‌نین چوخو اشتباه اولار. چونکی او آندا تکجه هدفی بسه‌بسلیک ائله‌دیگی شخصدن قاباغا دوشمکدیر و بو یولدا چوخ شئیلری قربان وئره بیلر.

شاید بیری‌نین گؤزونده یوخاری گؤروشمک اوچون خاص بیر انسانلا ائولنه‌سیز. و یا دوستوزون فلان طایفاداکی بیر شخص ایله ائولنمه‌سی، سیزی داها یوخاری بیر طایفادان ائولنمگه هوسلندیره.  آما ال ساخلایین ! یاخشی اولار بسه‌ بسلیگه آیری یئر تاپاسیز. ائولنمک، بوجور شوخلوقلار گؤتورمز.

+ یازیلدی   چهارشنبه ۶ اسفند۱۳۹۳ساعت 21:1  یازدی میرزه عبدالصمد ملکی | 

بوغدا جوجرمیشی انرژی دولو

بوغدانین جوجرمیشی، اوشاقلارین بؤیومه‌سینه و بؤیوکلرین انرژی تازالاماسینا کؤمگی اولان ارزشلی مادّه‌لردندیر.

بوغدا، بیر آز ایستیلیک و رطوبت جهتیندن معتدل و یئمه‌لیرین اَن یاخشیلارینداندیر. بوغداسی شیمیایی کودسوزلا عمله گلمیش، خمیر مایه‌سی طبیعی اولان، خمیری یاخشی گلمیش و ملایم ایستی ایله پیشمیش چؤرک، انسانین اساس غذالاریندان اولار.

آیری حبوبات کیمی بوغدا دا سودا پیشیب تقویت ائله‌ین غذا کیمی مصرف اولا بیلر. کؤپ گتیرمه‌مه‌سی اوچون اونا شکر و دارچین اضافه‌لتمک اولار. بوغدا آریقلاری کؤکلتمکده تأثیرلیدیر.

بوغدانین جوجرمیشی، اوشاقلارین بؤیومه‌سینه و بؤیوکلرین انرژی تازالاماسینا کؤمگی اولان ارزشلی مادّه‌لردندیر.

بوغدا جوجرمیشینی نئجه حاضرلایاق: بیر آز بوغدانی بیر کاسا سویون ایچینه تؤکون و سویونو هر گون دَییشین. هاوالار ایستی اولورسا گونده ایکی دفعه بو ایشی گؤرمه‌لیسیز. اوچ دؤرد گوندن سونرا بوغدا جوجرمگه باشلار. بو زمان سویونو بوشالدیب یاش بیر دستمالین آراسیندا سینی‌نین ایچینه سرین، اوستونه ده یاش دستمال چکین. بو دستمالاین یاش قالماسی اوچون، اونا هردن سو سپین. بوغدالارین جوجرمیش سغه‌لری بیر بارماق بندی‌ بویدا اولانا قدر بو ایشه دوام ائدین. سونرا گؤتوروب استفاده ائله‌یین.

بوغدا جوجرمیشینی سوپ، سالاد و سمنیده ده استفاده ائله‌مک اولار. حتی اونو قورودوب دارتاندان سونرا شیرنی و حالوا پیشیرمکده دهاستفاده ائله‌ماک اولار.

+ یازیلدی   چهارشنبه ۶ اسفند۱۳۹۳ساعت 21:0  یازدی میرزه عبدالصمد ملکی | 

شرعی مسأله:نماز و اوروج اجاره سی

عزیزلرین بیری نئچه شرعی سؤال سوروشموشدو. بو سؤال جوابلاری سیزله پایلاشماغی فایدالی بیلدیم.

سؤال1:

منیم ایشیم چوخ اولور و بعضاً نماز قیلماغی یاددان چیخاردیرام. آما الله‌ا چوخ شکر، گلیریم یاخشیدی. اولار کی قضایا گئدن نمازلاریمی آیرلاری توتسون. ایستر پولسوز و یا پول قارشیلیغیندا؟

جواب1:

هر مکلف دیری ایکن نمازلاری و اوروجلارینی اؤزو یئرینه گتیرمه‌لیدیر. بیر انسانین نماز و یا اوروجو اوچون آیری آدامی اجیر ائتمک، یالنیز اونون دنیانی ترک ائتدیگی زمان ممکن اولار. یعنی بیر انسان وصیت ائله‌میش اولورسا، مرحوم اولاندان سونرا اونا قضا نمازی قیلدیریب و اوروج توتدورماق اولار.

سؤال2:

اجاره نمازی قیلانا (اجیر اولان شخصه) آشاغیداکی ایشلر واجبدیر یا یوخ:

1. اذان و اقامه دئمک، تسبیحات اربعه‌نی اوچ دفعه دئمک، سلاملارین هر اوچون دئمک.

2. نمازلاری ترتیب ایله قیلماق یعنی اول صبح نمازی سونرا گون اورتا سونرا ایکینجی سونرا شام و سونرا خفتن نمازی.

3. اجاره نمازی قیلاندا مرحومون آدینی و خصویتلرینی بیلمک.

جواب2:

اجاره عقدینده شرط اولورسا، اجاره نمازی یالنیز واجبی جزءلرله یئرینه گتیریله بیلر. آما مطلق قویولسا و یا مستحباتی ایله یئرینه گتیرلمه‌سی شرط اولورسا، متعارف مستحباتی یئرینه گتیرمه‌لیدیر.

نمازلاری قیلاندا یالنیز «گون اورتا و ایکینجی» و «شام و خفتن» نمازلاری آراسیندا ترتیب واجبدیر. یعنی اجیر ائلیه بیلر صبح نمازلارینی بیر یئرده قیلسین، سونرا شام-خفتن نمازلارینی قیلسین و سونرا گون اورتا-ایکینجی نمازلارینی.

مرحومون‌دا آدینی و خصویتلرینی بیلمک لازم دئییل. همین کی نمازی قیلاندا اجیر اولدغو شخصین طرفیندن نماز قیلدیغینی نیت ائله‌سه کفایت ائلر.

+ یازیلدی   یکشنبه ۳ اسفند۱۳۹۳ساعت 18:40  یازدی میرزه عبدالصمد ملکی | 

اسلام پیغمبری‌نین (ص) پادشاهلارایازدیغی مکتوبلار

رسول الله (ص) هجرتین یئددینجی ایلی محرم آییندا مدینه شهریندن شرقی روم امپراتورو «هرقل»، حبشه پادشاهی «نجاشی»، مصر پادشاهی « مُقُوقس»، یمامه حاکمی «هَوذَه بن علی» و غسان حاکمی «حارث بن ابی شمر» و آیریلارینا نامه‌لر گؤندردی. ادامه‌ده نامه‌لرین متنینه و نامه‌نی آلانلارین عکس العملینه اشاره اولونور:

http://din-xadimi.arzublog.com/uploads/din-xadimi/herqel.JPG

1. پیغمبرین شرقی روم امپراتورو هرقله یازدیغی نامه

بو نامه دحیه کلبی‌نین الی ایله حمص شهرینده هراکلیوسون الینه چاتدی. نامه‌نین متنی‌ بئله‌دیر:

بسم الله الرحمن الرحیم من محمد بن عبد الله إلی هرقل عظیم الروم: سلام علی من اتبع الهدی، أما بعد فإنی أدعوک بدعوة الإسلام أسلم تسلم یؤتک الله أجرک مرتین، فإن تولیت فعلیک إثم جمیع الآریسیِّین". (قُلْ یَا أَهْلَ الْکِتَابِ تَعَالَوْا إِلَی کَلِمَةٍ سَوَاءٍ بَیْنَنَا وَبَیْنَکُمْ أَلَّا نَعْبُدَ إِلَّا اللَّهَ وَلَا نُشْرِکَ بِهِ شَیْئًا وَلَا یَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ) آل عمران:64».

« باغیشلایان مهربان الله‌ین آدی ایله. الله‌ین رسولو محمددن رومون بؤیوگونه. هدایته تابع اولان شخصه سلام اولسون. ایندی سنی اسلاما ساری دعوت ائلیرم. اسلامی قبول ائت و مسلمان اول کی سلامت قالاسان و الله ایکی دفعه سنه پاداش وئرسین. (عیسی‌یه و سونرادان محمده ایمان گتیرمگه گؤره.) اوز چئویرسن اکینچیلری‌نین (سنین تابعلری‌نین) گناهی سنین بوینونادیر». «دئ گینن ائی کتاب اهلی بیز ایله سیزین آرازدا مساوی و قبول اولموش سؤزه دوغرو گلین: الله‌دان باشقاسینی عبادت ائتمیریک و اونا هئچ نه‌یی شریک توتموروق. بیزلرین بعضیسی‌نین بعضیسی الله‌دان باشقاسینی معبود بیلمیرلر. پس اوز چئویرسز الله مسلمانلارا بویورار: «سیز دئیین بیز شهادت وئریریک کی بیز مسلمانیق».».

سونرا قیصر دئدی: «اونون قوموندان بیر نفر تاپین محمد باره‌ده اوندان سوروشاق». او زمان ابوسفیان قریش کیشیلری‌نین بیر نئچه‌سی ایله حدیبیه صلحو زمانی تجارت اوچون غزه‌ده ایدیلر. ابوسفیان تعریفلیر: «قیصرین آداملاری بیزی بیت المقدّسده اونون یانینا آپاردی. قیصر مترجمه دئدی: «سوروش گؤر بونلارین هاچیسی پیغمبرلیک ادعاسی ائدنه داها یاخینیدیر؟» ابوسفیان دئدی: «من داها یاخینام». قیصر اوندان پیغمبرین (ص) نسبی، ادعاسی و احوالیندان سوروشدو.

نقل اولوب ابوسفیان دئییر: «الله‌ا آند اولسون اوتانماسایدیم یالان دانیشاردیم. آما کؤنلومون ترسینه پیغمبرله دوشمنچیلیگیمه رغماً اونون سؤال‌لارینا دوغرو جواب وئردیم». سؤال جوابدان سونرا هرقل دئدی: «بو جوابلاردان اونون پیغمبر اولدوغونو آنلادیم». هرقل ایمان گتیرمه‌سه ده او حضرته هدیه‌لر گؤندردی.

2. پیغمبرین حبشه پادشاهی نجاشی‌یه یازدیغی نامه‌

بو نامه‌نی عمروابن امیه ضمری نجاشی‌یه آپاردی. نامه بئله ایدی:

بسم الله الرحمن الرحیم من محمد رسول الإسلام إلی النجاشی ملک الحبشة: سلام علیک إنی أحمد الله إلیک، الله الذی لا إله إلا هو الملک القدوس السلام المؤمن المهیمن، وأشهد أن عیسی بن مریم روح الله وکلمته ألقاها إلی مریم البتول الطیبة الحصینة، فحملت بعیسی فخلقه الله من روحه کما خلق آدم بیده، وإنی أدعوک وجنودک إلی الله عز وجل، وقد بلغت ونصحت فاقبلوا نصحی، والسلام علی من اتبع الهدی.

رحمان و رحیم الله‌ین آدی ایله. بو نامه الله‌ین رسولو محمددن حبشه پادشاهی نجاشی‌یه‌دیر. سلامت اولدوغوزو اومود ائلیرم و من سنین باره‌نده الله‌ا شکر ائلیرم و حاکم، منزّه، امنیّت وئرن و بنده‌لرینه موغایات اولان الله‌ی شاهد توتورام کی عیسی، عفیف و بتول مریمین وجودوندا یئرلشن الله‌ین روحو و اراده‌سیدیر. او (مریم) حامله اولدو، الله عیسی‌نی اؤز روحی ایله یاراتدی آدمی اؤز الی ایله یاراتدیغی کیمی. من سنی شریکسیز تک الله‌ا و اوندان اطاعته و منه تابع اولماغا و من گتیردیغیم دینه ایمان گتیرمگه چاغیریرام. من الله‌ین گؤندرمیشی‌یم. سنی و قوشونلارینی جل و جلاله الله‌‌ا دوغرو چاغیریرام. دعوتیمی چاتدیریب نصیحت ائله‌دیم. نصیحتیمی قبول ائله‌یین. حقین هدایتینه تابع اولانا سلام اولسون».

نجاشی نامه‌نی اوخویاندا، اونو گؤزونه قویوب احترامینان تختدن آشاغی یئنیب تورپاقدا اوتوردو. سونرا عاجدان بیر صاندیق دوزلدیب نامه‌نی اونا قویوب دئدی: «بو نامه حبشه‌ده اولدوغو گونه قدر اونون اهلی سعادتلی اولاجاق». سونرا پیغمبره محبتلی جواب یازدی. نجاشی مدینه‌یه چوخلو هدیه‌لر گؤندریب او حضرتین دانیشیق، اوتوروشوق، غذا یئمگینی و آیری رسالت علامتلرینی گؤرمگی اوچون نصرانی عالملردن 30 نفر گؤندردی. اونلارا دئدی: « حضرتین دانیشیغینا، اوتوروشوغونا، مشربینه و مصلی‌سینا باخین، گؤرون او، جبارلار و پادشاهلار طرزینده‌دیر یوخسا یوخ. اونلار مدینه‌یه گلنده حضرت اونلاری اسلاما چاغیریب اونلارا قرآندان حضرت مریم (س) باره‌ده اوخودو. اونلار قرآنی ائشیدنده آغلادیلار. ایمان گتیرندن سونرا نجاشی‌نین یانینا قاییتدیلار. نجاشی‌نین ایمان گتیرمه‌سی دئییلیب آما حبشه جماعتی‌نین قورخوسوندان اسلامینی اونلارا بللی ائله‌مه‌دی.

http://din-xadimi.arzublog.com/uploads/din-xadimi/moqums.JPG

3. پیغمبرین مصر حاکمی مقوقسا یازدیغی نامه

مصر پادشاهی‌نین آدی «جریج ابن مینا» و یا «جریج ابن متی» و لقبی مُقوقس ایدی. پیغمبرین نامه‌سی بئله‌ ایدی:

بسم الله الرحمن الرحیم. من محمد رسول الإسلام إلی المقوقس عظیم القبط: سلام علی من اتبع الهدی، أما بعد فإنی أدعوک بدعوة الإسلام، أسلم تسلم یؤتک الله أجرک مرتین ﴿قُلْ یَا أَهْلَ الْکِتَابِ تَعَالَوْا إِلَی کَلِمَةٍ سَوَاءٍ بَیْنَنَا وَبَیْنَکُمْ أَلَّا نَعْبُدَ إِلَّا اللَّهَ وَلَا نُشْرِکَ بِهِ شَیْئًا وَلَا یَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ﴾ (آل عمران : 64).

«مهربان  الله‌ین آدی ایله. الله‌ین گؤندرمیشی محمددن قبطین بؤیوگو مقوقسا. هدایته تابع اولانا سلام اولسون. آما سونرا من سنی اسلاما چاغیریرام. اسلام گتیر آماندا اول. اسلام گتیرسن الله سنه ایکی اجر وئره‌جک». «دئ گینن ائی کتاب اهلی بیز ایله سیزین آرازدا مساوی و قبول اولموش سؤزه دوغرو گلین: الله‌دان باشقاسینی عبادت ائتمیریک و اونا هئچ نه‌یی شریک توتموروق. بیزیلرین بعضیسی‌نین بعضیسی الله‌دان باشقاسینی معبود بیلمیرلر. پس اوز چئویرسز الله مسلمانلارا بویورار: «سیز دئیین بیز شهادت وئریریک کی بیز مسلمانیق».

بو نامه‌نی «حاطب بن ابی بَلتَعه» مقوقسون اسکندریه‌ده‌کی قصرینه آپاردی. حاطب مقوقسون قصرینه گیرندن سونرا نامه‌نی اوزاقدان گؤرستدی. مقوقس اونو حضورونا چاغیریب نامه‌نی اوخویاندان سونرا دئدی: «پیغمبر اولدوغو تقدیرده نییه اونونلا مخالف اولان حتی اونو مکه‌دن ائشیگه اوتوردوکلری قومونو، گرفتار اولمالاری اوچون نفرین ائله‌میر؟» بو سؤزو ایکی دفعه دئدی. حاطب دئدی: «عیسی ‌بن مریمین پیغمبر اولدوغونا اینانمیرسان؟ پس نییه اونون قومو اونو توتاندا و اؤلدورلمه‌سینه آز قالاندا اونلارین هلاک اولماسی اوچون اونلاری نفرین ائله‌مه‌دی. و نهایتده الله اونو جماعتین ایچیندن گؤتوردو؟» مقوقس دئدی: «احسن سنه. سن حکیم طرفیندن گلمیش حکیمسن». حاطب اونو یقینلی سؤزلر و دلیللر ایله اسلاما چاغیراندان سونرا مقوقس دئدی: «پیغمبرین دینی باره‌ده دوشوندوم و پیس شئیه چاغیردیغینی و یاخشی شئیدن منع ائله‌دیگینی گؤرمه‌دیم. اوندا رسالت علامتی گؤردوم و مسلمان اولماق و اونا تابع اولماق باره‌ده دوشونه‌جگم». سونرا حضرتین جوابیندا بئله یازدی: «رحمن و رحیم الله‌ین آدی ایله قبطین حاکمی مقوقسدان محمد بن عبدالله‌ا. سنه سلام اولسون. نامه‌نی اوخودوم. سؤزونو و اونا چاغیردیغینی آنلادیم، خاتم پیغمبرین گله‌جگینی بیلمیشم، اونون شامدان مبعوث اولدوغونو گمان ائلیردیم. گؤندردیگینه احترام ائتدیم. قبط ایچینده بؤیوک موقعیتلری اولان ایکی کنیزی و مصر قباطی‌سیندن بیر آز پالتار و مینمگیز اوچون بیر قاطر سیزه گؤندردیم. سلام اولسون سیزه». او بوندان آرتیق یازمادی و مسلمان اولمادی. حضرت پیغمبر (ص) اونون نامه‌سینی اوخویاندان سونرا بویوردو: «خبیث، حکومتی‌نین الدن گئتمه قورخوسوندان ایمان گتیرمه‌دی. بیر حالدا کی حکومتی‌نین بقاسی یوخدور».

http://din-xadimi.arzublog.com/uploads/din-xadimi/monzer.JPG

4. پیغمبرین بحرین حاکمی منذر بن ساوی التمیمی‌یه یازدیغی نامه

نامه بئله‌دیر:

بسم الله الرحمن الرحیم، من محمد رسول الله إلی المنذر بن ساوی، سلام علیک، فإنی أحمد إلیک الله الذی لا إله إلا هو، وأشهد أن لا إله إلا الله، وأن محمداً عبده ورسوله. أما بعد: فإنی أذکرک الله عز وجل، فإنه من ینصح فإنما ینصح لنفسه، ومن یطع رسلی ویتبع أمرهم فقد أطاعنی، ومن ینصح لهم فقد نصح لی، وإنّ رسلی قد أثنوا علیک خیراً، وإنی قد شفعتُکَ فی قومکَ، فاترکْ للمسلمین ما أسلموا علیه، وعفوتُ عن أهل الذنوب فاقبل منهم، وإنک مهما تصلح، فلن نعزلکَ عن عملک، ومن أقام علی یهودیة أو مجوسیة فعلیه الجزیة

 «باغیشلایان مهربان الله‌ین آدی ایله. الله‌ین رسولو محمددن منذر بن ساوی‌یه. سنه سلام اولسون. سنین اوچون اوندن غیری معبود اولمایان الله‌ا شکر ائلیرم. بیر الله‌دان باشقا الله‌ین اولمادیغینا و محمدین اونون بنده‌سی و رسولو اولدوغونا شهادت وئریرم. آما سونرا، من، جل جلاله الله‌ی سنین یادینا سالیرام، البته هر کس خیرخواهلیق ائله‌یه اؤزونه خیرخواهلیق ائله‌ییب. هر کس منیم گؤندردیکلریمدن تبعیت ائله‌یه مندن اطاعت ائله‌میش اولوب و هر کس اونلارا خیرخواهلیق ائله‌یه منه خیرخواهلیق ائله‌میش اولوب. منیم گؤندردیکلریم سنه خیر ثنا گؤندریرلر و من سنی قوموندا شفاعت ائله‌دیم. مسلمانلار اوچون تسلیم اولدوقلارینی بوراخ. گناه اهلینی باغیشلادیم پس اونلاردان قبول ائله. سن هر نه قدر ده اصلاح ائله‌سن سنی مقامیندان عزل ائتمیه‌جگیک و هر کس یهود و مجوس دینینده قالسا جزیه وئرمه‌لیدیر.

5. پیغمبرین حارث بن شَمر غسّانی‌یه یازدیغی نامه

حارث بن شَمر غسّانی روم قیصری طرفیندن دمشق حاکمی ایدی. بو نامه‌نی «شباع بن وهب اَسدی» حارثه آپاردی. رسول الله اونا یازمیشدی:

«بسم الله الرحمن الرحیم، من محمد رسول الله (ص) الی الحارث بن ابی شمر، سلام علی من اتبع الهدی و آمن و صدق و انی ادعوک ان تؤمن بالله وحده لاشریک له و یبقی لک ملکک».

«باغیشلایان و مهربان الله‌ین آدی ایله. الله‌ین گؤندرمیشی محمدنحارث بن ابی شمره. هدایته تابع اولانا، ایمان گتیرنه و صادق اولانا سلام اولسون. من سنی تایسیز الله‌ا ایمان گتیرمگه چاغیریرام کی پادشاهلیغین یئرینده قالسین».

6. پیغمبرین یمامه حاکمی، هوذه بن علی حنفی‌یه یازدیغی نامه

نامه‌نی «سلیط بن قیس بن عمر انصاری» هوذه‌یه آپاردی. پیغمبرین نامه‌سی بئله ایدی:

«بسم الله الرحمن الرحیم، من محمد رسول الله (ص) الی هوذة بن علی، سلام علی من اتبع الهدی و اعلم دینی سیظهر الی منتهی الخف و العافر فاسلم تسلم و اجعل لک ما تحت یدیک»

باغیشلایان و مهربان الله‌ین آدی ایله. الله‌ین گؤندرمیشی محمددن هوذه بن علی‌یه. هدایته تابع اولانا سلام اولسون. بیل گینن منیم دینیم تئزلیکجه غالب اولاجاق و آت و دوه آیاغی چاتان یئره قدر یاییلاجاق. اسلام گتیر و الینده اولان (حکومتین) الینده قالسین.

او پیغمبرین جوابیندا او حضرتدن اونو اؤزونه خلیفه سئچماغی ایسته‌دی. حضرت اونون ایستگینی قبول ائله‌مه‌ییب بویوردو: «مندن بیر تیکه یئر ده ایسته‌سه‌ وئرمه‌رم. اؤزو و حکومته باده گئتسین».

او دا ایمان گتیرمه‌دی و هجرتین سککیزینجی ایلینده اؤلدو.

 

منبعلر:

صالح بن عواد المغامسي- الأیام النظرة و السیرة العطرة لرسولنا (ص)- جلد 1

السيوطي- الخصائص الکبری- جلد 2

سيد علي اكبر قرشي- هجرتدن رحلته

نورالدين الحلبي- السیرة الحلبیه- جلد 3

شمس شامی- سبل الهدی و الرشاد- جلد 11

ـ «مکاتیب الرسول‏» تالیف علی احمدی

ـ ابن سعد، الطبقات الکبری، ج 1 ص 258

ـ یعقوبی، تاریخ یعقوبی، ج 2 ص77

ـ ابن سعد، الطبقات الکبری، ج 2 ص 88

ـ ابن هشام، السیره النبویه، ج 1 ص 69؛ علی بن برهان الدین حلبی، السیره الحلبیه، ج 3 ص 246

ـ تاریخ طبری، ج 1، ص 297

ـ ابن اثیر، الکامل فی‌التاریخ، ج 2 ص 145

ـ ابن سعد، الطبقات الکبری، ج 1 ص 260

ـ بلاذری فتوح البلدان، ص 97؛ ابن سعد، الطبقات الکبری، ج 1 ص 261

ـ حلبی ـ السیره الحلبیه ـ جلد 3

ـ موسوی ـ نبی‌الرحمه ـ جلد 1

+

+ یازیلدی   یکشنبه ۳ اسفند۱۳۹۳ساعت 0:36  یازدی میرزه عبدالصمد ملکی | 

روش های افزایش ترافیک و آمار بازدید وب سايت

به طور متوسط ۷۵ الی ۸۰ درصد بازدیدهایی که از یک وب سایت صورت می‌گیرد از درگاه موتورهای جستجو می باشد. نکته قابل توجه این است که اکثریت مردم فقط ۲ صفحه اول از نتیجه بازگشتی یک وب سایت توسط موتورهای جستجو را بررسی می‌کنند.

 

یکی از مهم ترین نیاز های اولیه یک وب سایت جهت موفقیت در تجارت الکترونیک (آنلاین), داشتن ترافیک مورد نیاز بر روی وب سایت است. جهت بالا بردن ترافیک کاربران یک وب سایت راههای متعددی وجود دارد که اهم آن بشرح زیر است :

 

1- بهینه سازی سایت و پاکسازی کدهای Html سایت

 

2 - تحقیق در رابطه با کلمات کلیدی و تجزیه و تحلیل و انتخاب کلمات مفید با توجه به محتوای سایت

 

3 - بازنویسی محتوای سایت با توجه به هدف شما

 

4 – استفاده از تاکتیک پیوند ( لینک ) بین صفحات بصورت داخلی و یا خارجی

 

5 – کمک در بالا بردن رتبه سایت در گوگل Page Rank 

 

6 - بهینه سازی سایت های داینامیک

 

7 - بالا بردن رتبه سایت در نتایج جستجو با کلمات کلیدی انتخابی

 

8 - مشاوره و ارائه راه کارهای مناسب با توجه به هدف شما

 

 

 

حال براي اينكه بهتر بتوانيم به مطلب بپردازيم چند تعريف زير را در نظر داشته باشيد:

 

SEO چیست؟

 

SEO مخفف کلمات Search Engine Optimization به معنای بهینه سازی وب سایت برای موتورهای جستجو می‌باشد.

 

برای اینکه رتبه وب سایتتان را افزایش دهید باید به موتورهای جستجو بگویید که سایت شما در چه زمینه‌ای فعالیت می کند. برای معرفی زمینه فعالیت وب سایتتان به موتورهای جستجو باید از کلمات کلیدی (keywords ) مناسب در جاهای مختلفی از سایتتان استفاده کنید.

 

 Alexa یک وبسایت معتبر بین المللی می باشد که با در نظر گرفتن پارامترهای مختلف و همچنین وب سایتها اقدام به رتبه بندی آنها می نماید. خلاصه و چکیده این رتبه بندی عددی بین ۱ تا چند میلیون می باشد که هرچه این عدد به یک نزدیکتر باشد رتبه وبسایت شما بالاتر می باشد.

 

نحوه نصب تولبار آلکسا

 

 اگر قصد افزایش محبوبیت یک کلمه از وب سایت خود در گوگل را دارید اول تولبار آلکسا را حتما و حتما بر روی مرورگر خود نصب کنید تا اثر معجزه آسای آن را بعد از چند روز در رتبه خودتان در آلکسا ببینید و بعد برای استفاده از سیستم مخصوص سيستم افزايش محبوبيت كلمه در گوگل به سایت ارایه کننده این سرویس بروید

 

اما نحوه نصب تولبار آلکسا:

 

 اگر مرورگرتان فایرفاکس است  آخرین نسخه اکستنشن مربوطه به تولبار آلکسا  (بدون فعالیت جاسوسی و یا پایین کشیدن سرعت اینترنت) را از آدرس http://mirrors.xmission.com/mozilla.org/addons/5362   بگیرید و اگر با مرورگر اینترنت اکسپلورر کار میکنید  به آدرسhttp://www.alexa.com/toolbar   بروید همین که تولبار را نصب کردید کافیست و نمی خواهد کار دیگری انجام شود (توضیح اینکه سیستم آمارگیر آلکسا بر اساس تولبار نصب شده کار می کند )

 

روش های بهینه سازی سئو و افزايش رنكينگ وب سايت:

 

 ۱- در عنوان صفحه، کلمه یا کلمات کلیدی استفاده شده در متن صفحه را بکار ببرید. انجام این کار اهمیت بالایی دارد زیرا متنی که درعنوان صفحه قرار دارد بعنوان متن لینک، بازگشتی موتورهای جستجو می‌باشد. موتور جستجوی گوگل فقط ۶۶ کارکتر از این متن را نمایش می‌دهد بنابراین سعی کنید عنوان صفحات کمتر از ۶۶ کاراکتر باشد. برای تعیین عنوان صفحه از تک title بصورت زیر استفاده کنید. سعی کنید اگر بیش از یک کلمه کلیدی در صفحه دارید از کارکتر | بعنوان جداکننده کلمات، استفاده کنید:

 

کلمه کلیدی اول | کلمه کلیدی دوم و…

 

۲- از تگ‌های meta برای مشخص ساختن کلمات کلیدی استفاده کنید. برای اطلاع از نحوه استفاده از تگ‌ها به مقاله ” راهنمایی موتور جستجو با متا‌تگ‌ها(Meta Tags ) ” مراجعه نمایید.

 

۳- اگر در صفحه از عکس استفاده کرده‌اید، در خصوصیت alt عکس‌ها، کلمات کلیدی خود را بصورت زیر استفاده کنید:

 

۴- از نوشتن کدهای css و JavaScript بطور مستقیم در صفحات وب، خودداری کنید بلکه این کدها را در فایل‌های جداگانه بنویسید و در فایل اصلی آنها را فراخوانی کنید.

 

۵- اگر بیش از یک کلمه کلیدی انتخاب کرده‌اید و به ازای هر کدام از آنها یک صفحه نوشته‌اید، همه این صفحات را با استفاده از لینک‌ها به هم متصل کنید و متن لینک‌ها را کلمات کلیدی خود قرار دهید. متن لینک‌ها نیز همانند نوشته‌های italic ، bold و underline از اهمیت زیادی برخوردارند و موتورهای جستجو به آنها توجه زیادی می‌کنند.

 

6- سعی کنید برای وبسایت خود یک وبلاگ درست كنيد و همیشه پست های وبلاگ خود را بروز کنید. گوگل برای پست هاي جديد امتیازهای خوبی به وبلاگ شما می دهد و علاوه بر نمایش سایت شما در صفحه های اول جستجو افزایش رنكينگ صفحه  شما نیز سریع تر انجام می شود.

 

7- سعی کنید سایت خود را به دایرکتوری ها معرفی کنید. لیست دایرکتوری های مهم عبارتند از:

 

DMOZ

 

Yahoo Directory

 

Best Of The Web

 

Ezine Articles

 

Article Base

 

Go Articles

 

این سایت ها سایت هایی هستند که گوگل مطالب آنها را سریع ایندکس می کند و در صورت ثبت سایت شما در آنها بک لینک رایگانی نیز دریافت کرده اید!

 

8- تبادل لینک با دیگر وبمسنرها نیز از مهمترین عوامل در تعیین پیج رنک است. از سایت هایی که این تبادل لینک را به طور خودکار بین وبمسترها انجام می دهند می توان به سایت هاي زیر اشاره کرد:

 

http://www.autobacklink.ir

 

http://www.automaticbacklinks.com

 

http://hardlinkexchange.net /

 

 9- کامنت گذاشتن در سایر وبلاگ های مرتبط را نیز فراموش نکنید. در اغلب این کامنت ها شما می توانید لینکی به سایت خود نیز قرار دهید که این تبادل لینک باعث افزایش بازدید و افزایش Page Rank می شود. از نرم افزارهای قدرتمند در زمینه کامنت گذاری اتوماتیک می توان به نرم افزار زیر اشاره کرد:

 

Scrapebox

 

 10- شبکه های اجتماعی را فراموش نکنید! داشتن یک اکانت در شبکه های اجتماعی زیر و پست کردن مطالب خود در آنها می تواند به محبوب تر شدن سایت شما از دید کاربران و در نتیجه افزایش پیج رنک شما کمک موثری کند.

 

Facebook

 

Google Plus

 

Squidoo

 

Digg

 

Hub Pages

 

Stumble Upon

 

از سایت هایی که برای محبوب تر کردن سایت خود در شبکه های اجتماعی می توان استفاده کرد از موارد زیر می توان نام برد:

 

www.lavalinx.com

 

www.exchangers.ir

 

www.vbiran.ir

 

 

11- از هاست های معتبر استفاده کنید تا سایت شما برای مدت طولانی غیر قابل دسترس نباشد که این مورد از نظر گوگل بسیار نامطلوب است. در بین هاست های رایگان خوب را می توان از دو مورد زیر نام برد:

 

http://www.meganet.ir

 

http://www.youhosting.ir (که یکی از کاربران عزیز در کامنت ها معرفی کرد و من اضافه کردم)

 

12- تبادل بنر نیز مانند تبادل لینک باعث افزایش محبوبیت سایت شما از دید کاربران و در نتیجه افزایش پیج رنک آن می شود.

 

از سیستم های تبادل بنر خوب می توان به سه مورد زیر اشاره کرد:

 

http://www.parstools.com/bannerex

 

http://www.parsibanner.com

 

http://www.coome.ir/banner

 

 13- در مطالب جدید خود، لینک هایی به مطالب قدیمی نیز قرار دهید. این تبادل لینک داخلی نیز از نظر گوگل عامل مهمی در افزایش Page Rank است. مثلا یکی از لغات در پست خود را به یکی از مطالب قبلی خود لینک کنید.

 

14- در http://www.google-analysts.com   سایت یا وبلاگ خود را ثبت نمایید این سایت لحظه به لحظه آمار مراجعه کنندگان به سایت شما را با کلمات جستجو شده همراه با یک کنترل پنل با امنیت بالا به شما میدهد که این سرویس را به صورت لحظهای من قبلا جای دیگری ندیده بودم  به هرحال با کمک این سرویس می توانید کلمات مورد علاقه کاربران را برای رسیدن به سایت تان پیدا کنید و روی آن کار کنید.

 

15- سعی کنید دامنه خود را برای بیشتر از یکسال خریداری کنید، این امر باعث می شود گوگل مطمان تر شود که ساتیت شما قرار نیست اسپم کند و بعد از یکسال تعطیل شود.

 

  --------------------------------------------------

 

گردآوري : امير محمد زارع مجتهدي

 كارشناس تحليگر سيستم

 اداره كل تبليغات اسلامي آذربايجان شرقي

+ یازیلدی   شنبه ۲ اسفند۱۳۹۳ساعت 20:43  یازدی میرزه عبدالصمد ملکی | 

اؤلکه‌میزده بلوغ یاشینداکی اوشاقلارین بویو 4 سانتی متر آلچالیب

اؤلکه‌میزین راهنمایی و دبیرستان مقطعلری‌ محصّلری‌نین جمعیتینده‌کی سون آراشدیرمالار، بو یاشداکی اوشاقلارین بویلاری‌نین 4 سانتی متر آلچالماسی و دیشلری‌نین قاباقکی نسله گؤره یوزده اوتوز داها چوخ خراب اولماسینی گؤستریر.

اعتمادین وئردیگی خبره گؤره، کئچن 20 ایل بویوندا جمعیتیمیزین چوخالماسینا باخمایاراق سوت محصول‌لاری‌نین مصرفی فقط مینده بیر آرتیب.

رسمی خبرلره گؤره، کئچن ایللرده سوت محصول‌لاریندان سوبسیدین حذف اولونماسی ایله بو محصول‌لارین مصرفینده یوزده 22 آزالما مشاهده اولوب. بو مسأله‌نین اساس عاملی سوت محصول‌لاری‌نین باهالاشماسی اولسا دا آیری عاملی‌ده انسانلاریمیزین پوفک و چیپس کیمی ضررلی محصول‌لارین مصرفینه اوز گتیرمه‌سی اولا بیلر. دقت ائتمک لازمدیر کی کره، قیماق و خاما، سوت محصول‌لاری سیراسیندا یئرلشمیرلر بلکه یاغ حساب اولونورلار.

تغذیه تحقیقات انستیتوسونون سابق رئیسی، ناصر کلانتری اعتمادلا دانیشیقدا قورخولو بیر آمارا اشاره ائله‌دی. او دئدی: «جامعه‌میزین یوزده 20-سی گونده‌لیک یئمکلرینی تأمین ائله‌مگه عاجزدیلر. اونلارین بعضیسی حتّی لازم اولان یاوان چؤرگی‌ده آلا بیلمیرلر».

بهداشت وزارتی‌نین رسمی آمارینا گؤره، اؤلکه‌میزده سوتون باشلیق مصرفی 80 لیتردن اوسته قالخمیر. آما بو آمار دنیادا آدام باشی 190 و غربی اوروپاردا آدام باشی 500 لیتردیر. یعنی متوسط حالدا اؤلکه‌میزده هر انسان ایلده 80 کیلو سوت ایچیر آما بیر فرانسه‌لی ایلده 500 لیتر.

بو بیر حالدادیر کی اؤلکه‌میزده ایلده 3 میلیارد تومن، گازلی نوشابه‌لره وئریلیر و بو زمینه‌ده دنیادا بیرینیجلیک اله گتیرمیشیک. دنیادا گؤی و میوه مصرفی، انسان باشی ایلده 120 کیلو اولان حالدا بیزیم اؤلکه‌ده 30 کیلودان چوخ اولمور.

گؤره‌سن واختی گلمه‌ییب یئدیگیمیزه بوندان آرتیق دقّت ائدک؟

+ یازیلدی   سه شنبه ۲۸ بهمن۱۳۹۳ساعت 23:28  یازدی میرزه عبدالصمد ملکی | 

اوشاغین ذکالی اولدوغونو هاردان بیلک؟

مناسب شرایط یاراتماقلا ذکالی اوشاقلارین چیچکلنمه‌سینه امکان یاراتماق لازمدیر. آما اؤنجه‌دن ذکالی اوشاغی تانیماق لازمدیر.

بوگونکی دنیادا ذکا بئله تعریف اولور: قضاوت و استدلال ائتمک گوجو. یعنی ائله انسانا ذکالی دئییلر کی اؤز اطرافی ایله اویا بیله و اویغون رفتار ائله‌یه. نورمال ذکا 90 دان 110 آراسی تعریفلنیب. اوندان یوخاری ذکا صاحبی اولان انسانلارا ذکالی دئییلیر.

ذکا، ریاضی ذکاسی، منطق ذکاسی و موسیقی ذکاسی کیمی مختلف یؤنلره بؤلونور. یعنی اولا بیلر بیر انسان فقط بیر یؤنده ذکالی اولسون آما سایر یؤنلرده ذکاسیز اولسون.

بیر اوشاغین ذکالی اولوب اولمادیغینی آراشدیراندا ذکایا تعریف اولان فاکتورلارین بیر نئچه‌سی اوندا اولمالیدیر یوخسا فاکتورلارین بیری‌نین اولماسی ایله بیر اوشاغا ذکالی دئمک اولماز.

ذکالی اوشاقلار یاشیتلارینا نسبت داها تئز یئریمک و دانیشماغی اؤیرنرلر. اونلار، یاشیتلارینا نسبت داها تئز کامل جمله قورارلار و خیال قوّه‌لری گوجلو اولار. اوچ یاشلی ذکالی اوشاق، اطرافا چوخ ماراقلی اولوب چوخ سؤال سوروشارلار.

مدرسه یاشینداکی اوشاقلاردا ذکاوت نشانه‌لری

ذکالی اوشاقلار یاشیتلارینا نسبت تئز ایره‌لی‌لَیَرلر. اونلارین حافظه‌لری گوجلو اولار. اونلاری بو یاشدا، سیستمین اجزاسینی و اجزانین آرالارینداکی رابطه‌نی راحتلیلکه تشخیص وئررلر. اونلارین لیدرلیک گوجو چوخ اولار و جمعی فعالیتلرده مدیریت ائله‌مگی و امر وئرمگی سئورلر. اونلار کنایه‌لی سؤزلرین معناسینی تشخیص وئره بیلرلر بیر حالداکی معمولی انسان، بو ایشی یئنی یئتمه یاشیندا گؤره بیلر.

الده اولان معلومات گؤستریب کی اوشاقلارین ذکاسینی گوجلندیرمک اوچون اونلاری داها بوروشوق محیطلر معرضینده قویماق و اونلارلا چوخ دانیشماق لازمدیر. بو مسأله سیچانلاردا دا آزمایش اولوب. بوروشوق و تنوّعلو قفسده بؤیوین سیچانلارین ذکاسی ساده قفسده بؤیوین سیچانلاردان داها یوخاری اولور.

اوشاقلارا شعر و قرآن ازبرلتمک، اولارین لغت دایره‌لرینی گئنیشلندیریر و دانیشیق قابلیّتلرینی گوجلندیریر.

آما ذکالی اوشاغا «سن هامیدا ذکالیسان»، « من سنه افتخار ائلیرم» کیمی سؤزلر دئمک دوز دئییل. چونکی بو سؤزلر اونلاردا اؤزلریندن حددن آرتیق انتظار یارادار و انتظارلاری اولان ایشی دوزگون یئرینه یئتیره بیلمه‌دیگینده روحدان دوشرلر. اونلاری تشویق ائله‌ینده گؤردوکلری ایشی تعریفله‌یین اونا، بو ایشی گؤردوغو اوچون آفرین دئیین.

اوشاقلار بیر فیدان کیمیدیلر. اونلاری هر طرفه هدایت ائله‌سز او طرف بؤیویه‌جکلر. سیزین وظیفه‌ز اونلاری دوز هدایت ائتمک و بؤیومه‌لری اوچون مناسب شرایط یاراتماقدیر.

+ یازیلدی   سه شنبه ۲۸ بهمن۱۳۹۳ساعت 21:54  یازدی میرزه عبدالصمد ملکی | 

گلدوخ، گلدوک یا گلدیک . . .هانسی دوزدور؟

محاوره و مکاتبه (دانیشیق و یازی) دیللری بوتون دیللرده بیر بیرلریندن بیر آز فرقلی اولار. مثلاً فارسلار «آمدم» یازیب دانیشیقدا «اومدم» دئیَرلر. «نان» یازیب «نون» دئیَرلر. بیزیم ده البته دانیشیغا گلنده بوتون شهرلرین لهجه لری بیر بیرلری ایله فرقلی اولور آما مکاتبه دیلی بیردیر. مثلاً بیز تبریزلیلر «گلدیک» دئمک ایسته یَنده «گلدوخ» دئیَریک. اردبیل لیلر بو سؤزو «گلدوک» شکلینده دئیَرلر. آما یازی یازاندا ادبی دیل اولاراق هامی میز قایدا اوزو ایله «گلدیک» یازیریق.

+ یازیلدی   چهارشنبه ۱۵ بهمن۱۳۹۳ساعت 13:50  یازدی میرزه عبدالصمد ملکی | 
 
آنا صحیفه
یؤنتمن پروفایلی
الکترون پست
آرشیو
وبلاگ باشلیقلاری
وبلاگا گؤره
«سئوگی و عدالت دینی اسلام» وبلاگی چالیشاجاق سئوگی و عدالت دینی اولان اسلامی جوانلارا تانیتدیرسین و اونلارین شبهه لرینه صادقانه جواب وئرسین.

عربجه، فارسجا و آذربایجان تورکجه سی دیللرینده ترجمه قبول ائدیلیر.
ترجمه هزینه سینی یاتیرما حسابی:
صمد کامران آدینا ملت بانکی حساب نومره سی: ۴۳۳۴۸۶۲۲۶۳
صمد کامران آدینا ملت کارت نومره سی: 6104337105212110

وبلاگ «سئوگی و عدالت دینی ایسلام» سعی خواهد کرد برای شناساندن اسلام، این دین محبت و عدالت به نسل جوان تلاش کرده صادقانه به شبهات آنان پاسخ دهد.

دوستانی که مایل به تبادل لینک هستند این وبلاگ را با عنوان
((سئوگی و عدالت دینی ایسلام))
لینک فرمایند و خبرمان کنند تا لینکشان نمائیم.

باغلانتیلار 1
جشنواره وب
دین خادیمی din xadimi
اسلام دين رحمت
جمله هاي طلائي
باغلانتیلار آرشیوی
اوّلکی یازلار
اسفند ۱۳۹۳
بهمن ۱۳۹۳
دی ۱۳۹۳
آذر ۱۳۹۳
آبان ۱۳۹۳
مهر ۱۳۹۳
شهریور ۱۳۹۳
مرداد ۱۳۹۳
تیر ۱۳۹۳
خرداد ۱۳۹۳
اردیبهشت ۱۳۹۳
فروردین ۱۳۹۳
اسفند ۱۳۹۲
بهمن ۱۳۹۲
دی ۱۳۹۲
آذر ۱۳۹۲
آبان ۱۳۹۲
مهر ۱۳۹۲
شهریور ۱۳۹۲
مرداد ۱۳۹۲
تیر ۱۳۹۲
خرداد ۱۳۹۲
اردیبهشت ۱۳۹۲
فروردین ۱۳۹۲
اسفند ۱۳۹۱
بهمن ۱۳۹۱
دی ۱۳۹۱
آذر ۱۳۹۱
آبان ۱۳۹۱
مهر ۱۳۹۱
شهریور ۱۳۹۱
مرداد ۱۳۹۱
تیر ۱۳۹۱
خرداد ۱۳۹۱
اردیبهشت ۱۳۹۱
فروردین ۱۳۹۱
آرشيو
باشلیق اساسیندا آرشیو
داوريهاي حيرت انگيز حضرت علي (ع)
راه هاي كسب اعتماد بنفس
تصاوير محرم و عاشورا Ashura ، Muharram
آچار سؤزلر
ع (1)
عایشه (1)
امام حسن (1)
بیابان (1)
امام حسن ع (1)
حد قذف (1)
تهمت زنا (1)
یازارلار
میرزه عبدالصمد ملکی
الهة السادات
باغلانتیلار
حق و حقیقت
فرزندان مهدی
آمین
خلق کریم
شورحسین(علیه السلام)
پندار نيك
بسیج مدرسه عشق است
میقات مهر
تهاجم فرهنگی
دوست خدا
 

 RSS

POWERED BY
BLOGFA.COM

داغ کن - کلوب دات کام